شمالی کوریا سے کسی قسم کے ایٹمی خطرات نہیں، ڈونلڈ ٹرمپ

امریکی صدر ڈونلڈ ٹرمپ کا کہنا ہے کہ شمالی کوریا سے کسی بھی قسم کے ایٹمی خطرات نہیں ہیں۔

امریکی صدر ڈونلڈ ٹرمپ نے سوشل میڈیا پر اپنے ٹوئٹ میں لکھا کہ ایک طویل سفر تھا لیکن میری ذمہ داریاں سنبھالنے کے بعد سے اب ہر کوئی خود کو زیادہ محفوظ تصور کر رہا ہے۔

’اب شمالی کوریا سے کسی قسم کا جوہری خطرہ نہیں ہے۔ کم جانگ ان کے ساتھ ملاقات مثبت اور دلچسپ تجربہ تھا۔ شمالی کوریا کے پاس مسقبل کے لیے بہترین طاقت موجود ہے‘۔

Donald J. Trump

@realDonaldTrump

Just landed – a long trip, but everybody can now feel much safer than the day I took office. There is no longer a Nuclear Threat from North Korea. Meeting with Kim Jong Un was an interesting and very positive experience. North Korea has great potential for the future!

ڈونلڈ ٹرمپ نے مزید لکھا کہ ’میرے ذمہ داریاں سنبھالنے سے پہلے امریکی لوگ یہ تصور کر رہے تھے کہ ہم شمالی کوریا سے جنگ کی جانب بڑھ رہے ہیں۔ صدر اوباما نے کہا تھا کہ شمالی کوریا ہمارا سب سے خطرناک اور بڑا مسئلہ ہے۔ لیکن اب نہیں ہے، آج آرام سے سوجائیں‘۔

Donald J. Trump

@realDonaldTrump

Before taking office people were assuming that we were going to War with North Korea. President Obama said that North Korea was our biggest and most dangerous problem. No longer – sleep well tonight!

خیال رہے کہ گزشتہ روز امریکی صدر ڈونلڈ ٹرمپ اور شمالی کوریا کے رہنما کم جانگ ان کے درمیان سنگاپور میں تاریخی ملاقات ہوئی تھی۔

ایک دوسرے کو دشمن سمجھنے والے ممالک کے سربراہان کے درمیان 67 برس بعد ہونے والی ملاقات 45 منٹ تک جاری رہی۔

ملاقات سے قبل دونوں رہنماؤں نے فوٹو سیشن بھی کرایا اور ملاقات کے بعد دونوں رہنماؤں نے معاہدے پر دستخط بھی کیے۔

Comments
Loading...