اسلام آباد میں ہفتہ وار بازار میں آگ لگنے سے سیکڑوں دکانیں خاکستر

اسلام آباد: پشاور موڑ کے قریب واقع ہفتہ وار بازار میں لگی آگ پر کئی گھنٹے گزرنے کے بعد بھی قابو نہیں پایا جاسکا۔

اسلام آباد میں پشاور موڑ کے قریب واقع ہفتہ وار بازار میں اچانک آگ بھڑک اٹھی جس نے دیکھتے ہی دیکھتے سیکڑوں دکانوں کو لپیٹ میں لے لیا۔ وفاقی دارالحکومت میں موجود تمام فائر ٹینڈرز آگ بھجانے کی کوششوں میں مصروف ہیں جب کہ پاک بحریہ اور راولپنڈی کی انتظامیہ سے بھی مدد حاصل کرلی گئی ہے۔

سی ڈی اے حکام کا کہنا ہے کہ آگ لگنے کی وجوہات کا تعین ابھی تک نہیں کیا جاسکا، آج ہفتہ وار بازار بند تھا، اس لئے فی الحال کسی قسم کے جانی نقصان کی اطلاع نہیں ملی۔

Comments
Loading...