ملک کے مختلف علاقوں میں بارش پہاڑوں پربرفباری، 2افراد جاںبحق

شدید برفباری سے کئی علاقے متاثر ، باغ ،حویلی ، وادی لیپا کے علاقے دیگر شہروں سے کٹ گئے
راولپنڈی ،اسلام آباد سمیت کئی علاقوںمیں گرج چمک کےساتھ بارش،ملک سے طویل خشک سالی ختم ہوگئی
اسلام آباد(اکرام بخاری)ملک بھر میں دن بھر شدید بارش جبکہ آزادکشمیر سمیت بالائی علاقوںمیں شدید برفباری جاری رہی جس سے موسم سخت سرد ہوگیا ۔ برفباری کے بعد لوگوں کی مشکلات بڑھ گئیں۔ آزادکشمیر کے کئی علاقے شدید برفباری سے متاثر ۔ باغ ،حویلی ، وادی لیپا کے علاقے دیگر شہروں سے کٹ کررہ گئے ۔ برفباری کی وجہ سے مسافروں کو شدید مشکلات کا سامنا ہے ۔ ریشیاں ٹاپ برفباری کے باعث ہرقسم کی ٹریفک کیلئے بندہوگئی۔ وادی لیپہ کا زمینی رابطہ دیگر علاقوں سے کٹ گیا۔ ملک کے مختلف علاقوں میں بارش اور برفباری کے باعث سردی کی شدت میں اضافہ ہوگیا۔ ملک کے میدانی علاقوں میں بارش اور بالائی علاقوں اور پہاڑوں پر برفباری کے باعث سردی کی شدت میں اضافہ ہوگیا۔اسلام آباد ، راولپنڈی میں رات گیارہ بجے سے بارش کاجاری سلسلہ شام تک رہا تاہم بارش کے دوران شدید گرج چمک کے ساتھ ہونے والی بارش سے موسم مزید سرد ہوگیا جب کہ بارش کے ساتھ چلنے والی یخ بستہ ہواوں سے سردی کی شدت میں اضافہ ہوگیا۔ ملک کے مختلف علاقوں میں بارش اور برفباری کے باعث سردی کی شدت میں اضافہ ہوگیا۔ ملک کے میدانی علاقوں میں بارش اور بالائی علاقوں اور پہاڑوں پر برفباری کے باعث سردی کی شدت میں اضافہ ہوگیا۔ سردی کا اثر سندھ کی ساحلی علاقوں پر بھی پڑا ہے جس کی وجہ سے کراچی سمیت سندھ کے مختلف علاقوں میں ٹھنڈی ہوائیں چلنی شروع ہوگئی ہیں۔حافظ آباد اور گردونواح میں گرج چمک کے ساتھ موسلادھار بارش کی وجہ سے سردی کی شدت میں اضافہ ہو گیا، ننکانہ صاحب ،نارنگ منڈی اور گردونواح میں گرج چمک، تیز ہواو¿ں کے ساتھ بارش کا سلسلہ جاری ہے۔ سیالکوٹ شہر اور گردونواح میں بھی موسلادھار بارش سے سردی کی شدت میں اضافہ ہوگیا۔پنجاب میں بھی گزشتہ رات سے بارش کا سلسلہ جاری ہے، میانوالی کے اکثرمقامات پربوندابادی سے موسم انتہائی سرد ہوگیا۔ کامونکے اور گردونواح میں رات بھر سے وقفہ وقفہ سے جاری گرج چمک کے ساتھ ہونے والی بارش سے موسم مزید سرد ہوگیا جب کہ بارش کے ساتھ چلنے والی یخ بستہ ہواو¿ں سے سردی کی شدت میں اضافہ ہوگیا۔کندیاں چشمہ پپلاں اور گردونواح میں مسلسل 8 گھنٹوں سے جاری بارش کے باعث گندم اور چنے کی مرجھاتی فصلوں کو بہت زیادہ فائدہ پہنچا ہے، کسانوں نے بارش کو ابر رحمت قرار دیتے ہوئے کہا ہے کہ اس بارش کے باعث ان کی مرجھاتی ہوئی فصلیں ایک بار پھر لہلہانے لگی ہیں۔ بارش کے باعث دو ماہ سے زائد عرصہ تک رہنے والی خشک سالی سے مرجھائے چہرے کھل اٹھے، کسانوں کا کہناہے کہ گندم کی فصل کیلئے بارشوں کی سخت ضرورت تھی، بارشیں نہ ہونے کی وجہ سے بارانی علاقوں میں گندم کی فصل بری طرح متاثرہورہی تھی، بار ان رحمت برسنے پر لوگوں نے اللہ تعالی کا شکر اداکیا۔خیبر پختونخوا میں بنوں اور گردونواح میں موسم سرما کی پہلی بارش سے سردی کی شدت میں اضافہ ہوگیا، پشاورمیں بھی 2 ماہ بعد رات سے بارش کا سلسلہ وقفے وقفے سے جاری ہے۔ بارش سے شہر میں جل تھل ہوگیا اور سردی بھی بڑھ گئی، بارش کے باعث پشاور کی سڑکیں کیچڑ سے بھر گئیں تاہم فضاو¿ں میں معلق گرد صاف ہوگئی اور طویل خشکی کا خاتمہ ہوگیا۔ شمالی وزیرستان میں بھی بارش اور برفباری سے سردی کی شدت میں اضافہ ہوگیا، ایجنسی کے پہاڑی علاقے شوال، بیرمل، لواڑ منڈی اور رزمک میں پہاڑوں نے برف کی سفید چادر اوڑھ لی، سوات کے علاقے مینگورہ، کالام ، ماہو ڈھنڈ، مالم جبہ، دیر لوئر میں بھی بارش اور پہاڑوں پر برفباری کا سلسلہ جاری ہے۔دوسری جانب منڈی بہاو¿الدین شوگر مل روڈ پربارش کے باعث مکان کی بوسیدہ چھت گر گئی جس کے نتیجے میں 2 افراد جاں بحق اور 3 زخمی ہوگئے۔محکمہ موسمیات کے مطابق گزشتہ 24 گھنٹے کے دوران سب سے زیادہ بارش دیر میں 22، کالام 13، پاراچنار 12، میرکھانی 07، دیر زیریں 05، مالم جبہ 04، چترال 03، دروش 01 اور بلوچستان کے علاقے خضدار میں 11، قلات 08، کوئٹہ03 ، ڑوب 01، پنجاب میں بہاولپور میں 04 اور کوٹ ادو میں 02 ملی میٹر بارش ریکارڈ کی گئی۔ آئندہ 24 گھنٹے کے دوران راولپنڈی، گوجرانوالہ، مالاکنڈ، ہزارہ، پشاور، مردان ڈویڑن، بالائی فاٹا، اسلام آباد، کشمیر اور گلگت بلتستان میں چند مقامات پر گرج چمک کے ساتھ مزید بارش اور پہاڑوں پر برفباری کا امکان ہے۔ ملک کے دیگر علاقوں میں موسم سرد اور خشک رہے گا۔