مقبوضہ کشمیر میں مزید 2 نوجوان شہید، وادی بھر میں مکمل ہڑتال

سری نگر: مقبوضہ کشمیر میں بھارتی فورسز کے مظالم کا سلسلہ جاری ہے اور تازہ کارروائی میں مزید 2 نوجوانوں کو شہید کردیا گیا جب کہ مشترکہ مزاحمتی قیادت کی کال پر وادی میں مکمل ہڑتال کی جارہی ہے۔

کشمیری میڈیا کے مطابق قابض بھارتی فورسز نے مقبوضہ کشمیر کے ضلع بڈگام کے علاقے چدورا کا محاصرہ کیا جس کے دوران گھر گھر تلاشی لی گئی۔

قابض فورسز نے سرچ آپریشن کے نام پر  فائرنگ کر کے 2 نوجوانوں کو شہید کردیا جس کے خلاف لوگ سڑکوں پر نکل آئے اور احتجاج کیا۔

دوسری جانب حریت رہنما سید علی گیلانی، میر واعظ عمر فاروق اور یاسین ملک نے بھارتی آئین کے آرٹیکل 35 اے کے خاتمے کی کوشش کے خلاف آج اور کل وادی بھر میں مکمل ہڑتال کی کال دی ہے۔

بھارتی سپریم کورٹ میں آرٹیکل 35 اے سے متعلق آج اور کل سماعت ہونی ہے، اس قانونی دفعہ کا تعلق مقبوضہ کشمیر کے عوام کی خصوصی شہریت سے متعلق ہے۔

Comments
Loading...