محکمہ موسمیات کی آج اور کل ملک کے بیشتر علاقوں میں بارش کی پیشگوئی

لاہور:  محکمہ موسمیات نے آج اور کل ملک کے بیشتر علاقوں میں بارش کی پیش گوئی کر دی۔ کراچی، لاہور، اسلام آباد، کوئٹہ سمیت دیگر مقامات پر بادل برسیں گے، پہاڑوں پر برفباری کا بھی امکان ہے۔

سندھ کے بعض حصوں میں بھی آج بارش کی پیش گوئی ہے۔ موسم کی خبر دینے والوں کا کہنا ہے آج اسلام آباد، راولپنڈی، لاہور، گوجرانوالہ، سرگودھا سمیت دیگر علاقوں میں بادل برسیں گے۔ خیبرپختونخوا، بلوچستان میں کوئٹہ، ژوب، مکران اور قلات میں بھی تیز بارش متوقع ہے۔ جس سے ندی نالوں میں طغیانی کا خدشہ ہے۔ موسلا دھار بارش کے باعث شمالی علاقوں میں لینڈ سلائیڈنگ بھی ہوسکتی ہے۔

محکمہ موسمیات کے مطابق آج سب سے سرد ترین مقام کالام رہا جہاں کم سے کم درجہ حرارت منفی 14 ڈگری سینٹی گریڈ ریکارڈ کیا گیا جبکہ گوپس، مالام جبہ میں منفی 06، سکردو منفی 05، استور منفی 03 اور پارہ چنار منفی 02 کوئٹہ اور زیارت میں منفی ایک رہا۔ اسلام آباد میں کم سے کم درجہ حرارت 4، لاہور 9، فیصل آباد 6، ملتان 7، پشاور 5 اور کراچی میں 21 ڈگری سینٹی گریڈ ریکارڈ کیا گیا۔

Comments
Loading...