شوہر کو جگر عطیہ کرنے والی خاتون کو سعودی عرب کے تیسرے اعلیٰ ترین ایوارڈ سے نوازا گیا

غیرملکی خبررساں ادارے کے مطابق سعودی عرب کے شہر اشملی گورنری کے علاقے حائل سے تعلق رکھنے والی خاتون سلمیٰ نے اپنے شوہر کو تکلیف سے نجات دلانے کے لئے نصف جگر عطیہ کردیا۔ سلمیٰ کا شوہر گزشتہ 7 برس سے جگر کے مرض میں مبتلا تھا اور مسلسل بیماری کی وجہ سے کرب سے گزر رہا تھا۔ اپنے شوہر کی تکلیف کو دیکھتے ہوئے سلمیٰ نے فیصلہ کیا کہ اپنے شوہر کی زندگی بچانے کے لئے جگر کا آدھا حصہ عطیہ کردے ۔

خلف بن لافی کا کہنا ہے کہ سلمیٰ نے قربانی دی وہ قابل تحسین ہے لیکن اس کے انسانی جذبے سے بھرپور اقدام پر حکومت نے مملکت کے تیسرے اعلیٰ ترین اعزاز شاہ عبدالعزیز ایوارڈ سے نوازا ہے جو ہمارے لئے باعث فخر ہے