کیریئر کی ابتدا میں عامر خان سے خوفزدہ تھا، سلمان خان

بالی ووڈ کے دبنگ اداکار سلمان خان کا کہنا ہے کہ وہ  کیریئر کی ابتدا میں اس بات سے خوفزدہ تھے کہ اگر عامر خان کی فلم ’’قیامت سے قیامت‘‘تک جتنی بڑی ہٹ فلم نہ دے سکے تو لوگ مجھ پر ہنسیں گے۔

اداکار سلمان خان نے حال ہی میں بھارت میں منعقد ہونے والی گلوبل ٹائی سمٹ میں شرکت کی جہاں انہوں نے اپنی کامیابی کے سفر کے ساتھ اپنی راہ میں پیش آنے والی مشکلات اور اپنی ذاتی زندگی کے حوالے سے کچھ باتیں شیئر کیں۔ سلمان خان کا کہنا تھا کہ میرا تعلق اس پیشے سے ہے جہاں اچھا نظر آنا، اسٹائلش کپڑے پہننا، اسکرین پر ایکشن میں نظر آنا اور اداکاراؤں کے ساتھ رومانوی مناظر کرنا شامل ہے۔ میڈیا میں میرے دیگر اداکاراؤں کے ساتھ تعلقات کے بارے میں آرٹیکلز لکھے جاتے ہیں، میں اسکرین پر خوبصورت اداکاراؤں کے ساتھ کام کرتا ہوں اوراچانک مجھ پر دائر کیسز کی سماعت کی تاریخ آجاتی ہے اور میں تمام کام چھوڑ کرعدالت میں پیش ہوتا ہوں۔ اس کے علاوہ لوگ مجھے بگ باس میں دیکھتے ہیں جہاں میں خود بھی ہنستاہوں اوردوسروں کو ہنساتا ہوں اور یہ ایک اداکار کے سفر کا سب سے مشکل ترین حصہ ہوتاہے۔

سلمان نے کہا کہ وہ مہنگا لائف اسٹائل اورعیش و عشرت کی زندگی کے متحمل نہیں ہوسکتے۔ دبنگ اداکار کا کہنا تھا میں نے بہت سارے لوگوں کو دیکھا ہے جو چھٹیاں منانے بیرون ملک جاتے ہیں لیکن میں ایسی زندگی افورڈ نہیں ہوسکتا جس میں بہت سارا پیسہ خرچ ہو۔

سلمان نے اپنے کیریئر کے ابتدائی دنوں کے حوالے سے بات کرتے ہوئے کہا کہ جب میں نیا نیا فلم انڈسٹری میں آیا تھا اس وقت میں عامر خان کی سپر ہٹ فلم’’قیامت سے قیامت تک‘‘جیسی ہٹ فلم دینا چاہتا تھا۔ فلم انڈسٹری میں میرا سفرفلم’’میں نے پیار کیا ‘‘سے شروع ہوا، لیکن فلم کی ریلیز سے قبل لوگ مجھے نہیں جانتے تھےاور یہ وقت میرے لیے بہت مشکل تھا کیونکہ اسی وقت ایک اور اداکار نے اپنا کیریئر شروع کیاتھا اور وہ عامر خان تھا۔ سلمان خان نے عامر خان سے متعلق اپنا خوف بیان کرتے ہوئے بتایا، ہم دونوں کا تعلق ایک ہی علاقے سے تھا، اس وقت میں  نے سوچا کرتا تھا عامر خان ایک ہٹ فلم (قیامت سے قیامت تک) دے چکے ہیں لیکن میں ہٹ فلم نہ دے سکااور کامیاب نہ ہوسکا تو بیندرا کے تمام لوگ مجھ پر ہنسیں گے۔

سلمان خان نے اپنی نوعمری کے حوالے سے کہا جب میں 15 یا 16 کا تھا مجھے پارٹیز میں جانا بہت پسند تھا، اس کے بعد کالج میں میں نے بطور ماڈل کام کرنا شروع کردیا، اس وقت میری ملاقات ایڈورٹائزنگ فلم میکر مسٹر کیلاش سندر ناتھ سے ہوئی، ایک بار انہوں نے میرے کندھے پر ہاتھ رکھ کر بولا، سلمان مجھے نہیں لگتا کہ تمہارے پاس اتنا وقت ہے کہ اسے تم اپنے والد کے پیسوں سے برباد کروانہوں نے یہ بات مذاقاً کہی تھی لیکن میں نے اسے بالکل بھی مذاق میں نہیں لیا میں نےاس بات پر سنجیدگی سے غور کیااور اس کے بعد میں نے سنجیدگی سے کام کرنا شروع کیا اور آج تک کررہاہوں یہاں تک کہ میں کوئی چھٹی بھی نہیں لیتا۔

واضح رہے کہ سلمان خان ان دنوں ’’ریس3‘‘کی شوٹنگ میں مصروف ہیں جس میں ان کے مقابل اداکارہ جیکولین فرنینڈس مرکزی کردار ادا کرتی نظر آئیں گی

Comments
Loading...