انجینئر نے اپنی بلی کو پہچاننے والا ڈیجیٹل نظام بنالیا

انجینئر نے ایک ڈیجیٹل کیمرہ سسٹم انسٹال کیا ہے جو ان کی بلی کو پہچان کر اطلاع دیتا ہے اور وہ فوراً اپنی بلی کیلئے دروازہ کھول دیتے ہیں۔ ولندیزی انجینئر ارکائز گیرو کے دروازے میں بلی کے گزرنے کا مخصوص خانہ موجود نہیں اور ہر بار بلی کو گھر میں داخل ہونے کیلئے دروازے پر انتظار کرنا پڑتا ہے۔ اکثر بلی شدید سردی میں باہر کھڑی رہتی ہے اس مسئلے کو حل کرنے کیلئے ارکائز نے کمپیوٹر اور مصنوعی ذہانت استعمال کرتے ہوئے یہ نظام بنایا ہے۔

دلچسپ بات یہ ہے کہ اس پورے نظام کی تیاری میں ارکائز کو صرف چند گھنٹے لگے اور اس کا سافٹ ویئر بھی ہر ایک کیلئے مفت میں دستیاب ہے۔ یہ نظام حرکت محسوس کرکے بلی کی تصویر لیتا ہے۔ اس میں موجود مصنوعی انٹیلی جنس نظام فوری طور پر بلی کو پہچان لیتا ہے اور اس کا پیغام ارکائز اور اسکی بیوی تک پہنچ جاتا ہے۔ بعد ازاں گھر میں موجود کوئی بھی شخص بلی کیلئے دروازہ کھول دیتا ہے اگر کوئی اور بلی ہوتی ہے تو کیمرہ اسے شناخت نہیں کرتا اور نہ ہی پیغام دیتا ہے۔