راولپنڈی: آرمی چیف جنرل قمر جاوید باجوہ سے ایران کے وزیر خارجہ جواد ظریف نے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ اور ایرانی وزیر خارجہ جواد ظریف کے درمیان ملاقات جی ایچ کیو راولپنڈی میں ہوئی جس میں علاقائی سیکیورٹی صورت حال اور پاک ایران تعلقات کے امورزیر بحث آئے۔
آرمی چیف نے ایرانی وزیر خارجہ سے گفتگو میں کہا کہ خطے میں امن کا دارومدار مغربی ایشیائی ممالک کےتعاون میں ہے اور جرائم کی روک تھام کے لیے ہمیں ایک دوسرے کے تعاون کی ضرورت ہے۔
