ورلڈ ٹیسٹ چیمپئن شپ کے 10 بہترین بلے بازوں کی فہرست جاری، بابر اعظم کا تیسرا نمبر

دبئی: آئی سی سی نے ورلڈ ٹیسٹ چیمپئن شپ کے ٹاپ 10 بلے بازوں کی فہرست جاری کردی، قومی کپتان بابر اعظم 682 رنز بنا کر تیسرے نمبر پر موجود ہیں۔

حال ہی میں ٹیسٹ کپتانی سے استعفی دینے والے انگلش بلے باز جو روٹ گیارہ سو پچھتر رنز بنا کر پہلے نمبر پر موجود ہیں جبکہ آسٹریلوی بلے باز عثمان خواجہ کی دوسری پوزیشن ہے۔

پاکستانی اوپنر عبداللہ شفیق بھی فہرست میں شامل ہیں جو پانچ سو سنتالیس رنز کے ساتھ چھٹے نمبر پر موجود ہیں۔ بھارت اور جنوبی افریقہ کے دو، دو کھلاڑی بھی ٹاپ ٹین بلے بازوں میں شامل ہیں۔

Comments
Loading...