لندن میں چاقو بردار شخص کا حملہ، 4 افراد ہلاک

جنوبی لندن کے علاقے ساؤتھ وارک میں چاقو بردار شخص کے حملے میں 4 افراد ہلاک ہو گئے۔

پولیس کا کہنا ہے کہ رات ڈیلافورڈ روڈ پر واقعے کی اطلاع ملی، پولیس کو ایک گھر میں چاقو کے وار سے زخمی 4 افراد ملے، ایمرجنسی سروس کی کوششوں کے باوجود زخمی افراد دم توڑگئے۔

میٹ پولیس کے مطابق ساؤتھ وارک میں چاقو حملے کے الزام میں ایک شخص گرفتار کر لیا گیا ہے۔

پولیس کا کہنا ہے کہ گرفتار شخص کو ساؤتھ لندن پولیس اسٹیشن منتقل کر 4 افراد کے قتل کے واقعے کی تحقیقات شروع کر دی گئی ہیں۔

خیال رہے کہ اس سے قبل بھی لندن میں چاقو سے حملوں میں متعدد افراد کی اموات واقع ہو چکی ہیں جبکہ کچھ عرصہ قبل ایک مسجد میں بھی دوران نماز چاقو سے حملہ کیا گیا تھا۔

Comments
Loading...