قومی اسمبلی نے صدر مملکت کیخلاف غیرآئینی احکامات پر مذمتی قرارداد منظور کرلی

اسلام آباد: قومی اسمبلی نے صدر مملکت کے خلاف غیرآئینی احکامات پر مذمتی قرارداد منظور کرلی جبکہ گرینڈ ڈیموکریٹک الائنس (جی ڈی اے) نے صدر مملکت کے خلاف قرارداد کی مخالفت کر دی۔

غیر آئینی احکامات سے متعلق قرارداد محسن داوڑ نے پیش کی۔

قرارداد کے مطابق صدر مملکت نے گورنر پنجاب کی تقرری کے معاملے میں غیر آئینی احکامات جاری کیے، صدر مملکت نے ایوان صدر کے دفتر کا غیر آئینی استعمال کیا لہٰذا یہ ایوان صدر مملکت کے غیر آئینی احکامات کی مذمت کرتا ہے۔

 

پیش کی گئی قرارداد کی منظوری کے وقت ایوان میں صرف 40 اراکین موجود تھے جبکہ جی ڈی اے نے قرارداد کی مخالفت کی۔

قومی اسمبلی کا اجلاس کل دن 11 بجے تک ملتوی کر دیا گیا۔

Comments
Loading...