وزیراعظم نے مشترکہ مفادات کونسل کا اجلاس آج طلب کر لیا

مشترکہ مفادات کونسل پانی کے معاملات سمیت دیگر امور پر فیصلے کرے گی۔ : فوٹو : فائل

مشترکہ مفادات کونسل پانی کے معاملات سمیت دیگر امور پر فیصلے کرے گی۔ : فوٹو : فائل

 اسلام آباد: وزیراعظم شاہد خاقان عباسی نے مشترکہ مفادات کونسل کا 38واں اجلاس آج شام وزیراعظم آفس میں طلب کرلیا ہے۔

وزیراعظم شاہد خاقان عباسی نے مشترکہ مفادات کونسل کا اجلاس طلب کرلیا ہے جس میں چاروں صوبوں کے وزرائے اعلیٰ شرکت کریں گے ۔ مشترکہ مفادات کونسل کا 38 واں اجلاس شام کو وزیراعظم آفس میں ہوگا۔ ذرائع کے مطابق کونسل کے اجلاس میں اہم فیصلے متوقع ہیں اور پانی کے معاملات سمیت دیگر امور پر بھی بات کی جائے گی۔

گزشتہ ماہ  وزیراعظم شاہد خاقان عباسی کی زیرصدارت قومی اقتصادی کونسل کا اجلاس ہوا تھا جس سے تین صوبوں کے وزرائے اعلیٰ واک آؤٹ کرگئے تھے۔ اجلاس میں بجٹ اور ڈیولپمنٹ پروگرام میں تحفظات پر خیبرپختونخوا، بلوچستان اور سندھ کے وزرائے اعلیٰ نے اجلاس سے واک آؤٹ کیا اور پریس کانفرنس کے ذریعے اپنے تحفظات سے آگاہ کیا تھا۔

Comments
Loading...