‘ میرا میری بیوی ہے، آج بھی اتنا ہی پیار کرتا ہوں’
لاہور: میرا کے کیس میں ایک اہم موڑ سامنے آیا ہے، اسکینڈل کوئین ادکارہ میرا کے شوہر ہونے کے دعوی دار عتیق الرحمان نے کیس میں نو سال بعد اپنی شہادت قلمبند کرا دی، کہتے ہیں کہ میرا میری بیوی ہے آج بھی اتنا ہی پیار کرتا ہوں۔
فیملی عدالت کے روبرو عتیق الرحمان نے اپنی تحریری شہادت قلمبند کراتے ہوئے کہا کہ ادکارہ میرا سے آج بھی اتنا ہی پیار کرتا ہوں، میرا سے نکاح گواہان کی موجودگی میں ہوا، ادکارہ میرا سے نکاح باقاعدہ یونین کونسل مکہ کالونی میں رجسٹرڈ ہے۔
فلمسٹار میرا کے متعلق عدالت کو عتیق الرحمان نے مزید بتایا کہ میرا کو شادی کے بعد ڈیفنس میں بنگلہ بھی گفٹ کیا تھا۔عتیق الرحمان نے تمام کاغذات کی کاپیاں عدالت میں جمع کروا دی۔
عدالت نے عتیق الرحمان کو مخاطب کرتے ہوئے کہا کہ فروری کے آخر تک کیس کا فیصلہ سنایا جائے گا۔ فیملی جج بابر ندیم نے دونوں پارٹیوں کے وکلاء کو بحث کے لیے طلب کرتے ہوئے سماعت مزید دو روز تک ملتوی کر دی۔
