Official Web

وزیراعظم کی الیکشن میں کامیابی پر مودی کو مبارکباد

اسلام آباد: وزیراعظم عمران خان نے حالیہ بھارتی انتخابات میں کامیابی پر نریندر مودی اور ان کے اتحادیوں کو جیت پر مبارکباد دی ہے.

وزیراعظم عمران خان نے سماجی رابطوں کی ویب سائٹ ٹویٹر پر جاری اپنے خصوصی پیغام میں کہا کہ میں نریندر مودی اور ان کے اتحادیوں کو جیت پر مبارکباد دیتا ہوں۔ مودی کے ساتھ خطے میں امن اور ترقی کیلئے کام کرنے کی خواہش ہے۔

خیال رہے کہ بھارت الیکشن سے قبل غیر ملکی میڈیا کو ایک انٹرویو دیتے ہوئے وزیراعظم عمران خان نے کہا تھا کہ اگر نریندری مودی پھر سے کامیاب ہو جاتے ہیں تو امن مذاکرات بحال ہونے کے بہتر مواقع پیدا ہوں گے۔

Imran Khan

@ImranKhanPTI

I congratulate Prime Minister Modi on the electoral victory of BJP and allies. Look forward to working with him for peace, progress and prosperity in South Asia

8,403 people are talking about this
وزیراعظم عمران خان کا کہنا تھا اگر کانگریس بھارتی انتخابات میں جیت سے ہمکنار ہوتی ہے تو شاید دائیں بازو کی جماعتوں کے ڈر کی وجہ سے وہ پاکستان کے ساتھ کشمیر کے مسئلے کا حل تلاش کرنے میں تھوڑی جھجک کا شکار ہو۔ تاہم اگر بھارتیہ جنتا پارٹی (بی جے پی) جیتتی ہے جو کہ خود ایک دائیں بازو کی جماعت ہے تو شاید کشمیر کے معاملے پر کوئی حل تلاش کیا جا سکے۔

 

عمران خان نے دو ٹوک موقف اختیار کرتے ہوئے کہا کہ کشمیر کا مسئلہ حل کرنا ہو گا،یہ مسئلہ ابلتا ہوا نہیں رہ سکتا ہے۔

Comments
Loading...