جنرل قمرباجوہ سے ورلڈ ہاکی الیون ٹیم اورسابق کھلاڑیوں کی ملاقات
راولپنڈی (وقائع نگر)آرمی چیف جنرل قمر جاوید سے ورلڈ ہاکی الیون ٹیم ہال آف فیم اور پاکستان ہاکی کے سابق کھلاڑیوں نے ملاقات کی اس موقع پر آرمی چیف نے ورلڈ الیون ٹیم کو پاکستان لانے پر پی ایچ ایف کی تعریف کی۔آئی ایس پی آر کے مطابق آرمی چیف نے پی ایچ ایف کو ورلڈ الیون ہاکی میچز کےلئے سیکورٹی فراہم کرنے کی یقین دہانی کرتے ہوئے کہا کہ پاک فوج قومی کھیل ہاکی کی بحالی کےلئے ہر ممکن تعاون فراہم کرے گی۔ پی ایچ ایف کے صدر خالد سجاد کھوکھر نے پاکستان میں کھیلوں کے فروغ کے لیے دلچسپی لینے پر آرمی چیف کا شکریہ ادا کیا۔
