عالمی مارکیٹ میں کمی کے باوجود مقامی سطح پر سونے کی قیمت کم نہ ہوسکی

کراچی: عالمی مارکیٹ میں سونے کے نرخ گرنے کے باوجود مقامی مارکیٹوں میں قیمتیں کم نہ ہوسکیں۔

بین الاقوامی بلین مارکیٹ میں فی اونس سونے کی قیمت 18 ڈالر کی کمی سے 1988 ڈالر کی سطح پر پہنچنے کے باوجود مقامی صرافہ مارکیٹوں میں بدھ کو فی تولہ اور 10 گرام سونے کی قیمتیں بغیر کسی تبدیلی کے مستحکم رہیں۔

ملک کے مختلف شہروں کی صرافہ مارکیٹوں میں فی تولہ سونے کی قیمت بغیر کسی تبدیلی کے 233100 روپے اور فی 10 گرام سونے کی قیمت 199846 روپے کی سطح پر مستحکم رہی۔
اسی طرح فی تولہ چاندی کی قیمت بھی بغیر کسی تبدیلی کے 2950 روپے اور 10 گرام چاندی کی قیمت 2529.14روپے کی سطح پر مستحکم رہی۔

Comments
Loading...