ٹیکس نیٹ میں اضافہ کرنا ملک کی ضرورت ہے، وزیر مملکت خزانہ

اسلام آباد: وزیر مملکت برائے خزانہ ڈاکٹر عائشہ غوث پاشا نے کہا ہے کہ ٹیکس نیٹ میں اضافہ کرنا ملک کی ضرورت ہے، سمگلنگ پر قابو پا کر ٹیکس نیٹ میں اضافہ کیا جائے گا، بجٹ خسارے پر قابو پانا ہی عوام کیلئے بڑا ریلیف ہوگا۔

میڈیا سے گفتگو کرتے ہوئے وزیر مملکت ڈاکٹر عائشہ غوث پاشا نے کہا کہ آئی ایم ایف کے ساتھ رابطے میں ہیں، فنانس ڈویژن اور ایف بی آر، آئی ایم ایف کے ساتھ بات چیت کر رہے ہیں، آئی ایم ایف پروگرام مکمل کرنے کیلئے آگے بڑھ رہے ہیں، آئی ایم ایف کے ساتھ پروگرام جاری رکھنا چاہتے ہیں، ہم نے آئی ایم ایف پروگرام میں رہ کر سیاسی قیمت ادا کی ہے۔

انہوں نے کہا کہ پوری کوشش ہے کہ آئی ایم ایف کے ساتھ معاہدہ ہو جائے، بجٹ کی تیاری چل رہی ہے، مشکل معاشی حالات میں بھی عوام کو ریلیف دینے کی پوری کوشش کریں گے، میکرو اکنامک فریم ورک کے پیرامیٹرز تیار کیے ہوئے ہیں، بجٹ نمبرز کو حتمی شکل دے رہے ہیں، جون کے پہلے ہفتے میں بجٹ پیش کیا جائے گا۔