واٹس ایپ نمبر تبدیل کرنے پر دوستوں کو آگاہ کرنا اب مشکل نہ رہا
واٹس ایپ پر نمبر تبدیل کرنے پر صارفین اکثر پریشان ہوجاتے تھے کے کیسے دوستوں کو آگاہ کیا جائے کہ ان کا واٹس ایپ نمبر تبدیل ہوچکا ہے لیکن اب یہ مشکل بھی ختم ہوگئی ہے ۔
واٹس ایپ کمپنی نے نمبر تبدیل کرنے کے فیچر کو اپ ڈیٹ کرتے ہوئے اس میں نوٹی فکیشن آپشنز بھی شامل کردیے ہیں۔
اس سے قبل صارفین کو صرف یہ سہولت فراہم تھی کہ نمبر تبدیلی کے دوران اکاؤنٹ کی تفصیلات، چیٹ، گروپ اور سیٹنگز دوسرے نمبر پر منتقل ہوجاتی تھی لیکن اس سے صارف کے دوست آگاہ نہیں ہو پاتے تھے۔
تاہم اب اپڈیٹ کردہ فیچر میں نوٹی فکیشن کے تین آپشنز کا اضافہ کیا گیا ہے جس میں :
- ’آل کانٹیکٹس‘ یعنی تمام کانٹیکٹ نمبرز کو آگاہ کردیا جائے۔
- ’کانٹیکٹ آئی ہیو چیٹ ود‘ یعنی جس سے صارف چیٹ کرتا ہو صرف اسے نوٹفکیشن موصول ہو۔
- ’کسٹم‘ اس سے صارف اپنی مرضی کے چند دوستوں کا انتخاب کرسکتا ہے جنہیں وہ نوٹی فکیشن بھیجنا چاہتا ہے۔
